Жантүршігерлік қылмыс биыл 21 маусымда Ақтөбе облысының Мәртөк ауылында болған, – деп хабарлады Aikyn.kz Mgorod.kz порталына сілтеме жасап
Іс материалдарынан белгілі болғандай, сотталушы сағат 22.00 шамасында балаларды жатқызып, әйеліне телефон соғып, оның қайда екенін және үйге қашан келетінін сұрай бастаған. Әйел әріптестерімен бірге жүргенін, кейінірек келетінін айтқан.
Біраз уақыттан кейін ер адам терезеден көлікті көреді. Әйелі көліктен түсіп, одан кейін аулаға кірген. Бұл кезде күйеуі ішімдік ішіп алған. Ол асхана пышағын алып, аулаға шығады. Ер адам сол жерде ашуланып, ұятсыз сөздер айтқан. "Неге қаңғырып жүрсің? Балаларыңның бары енді есіңе түсті ме?" – деп әйеліне айқайлай бастаған.
Сол арада ерлі-зайыптылардың арасында жанжал басталды. Ер адам қызғаныштан оның шашынан ұстап, мойнына бір рет пышақ сұғып, оны жерге құлатқан. Сотталушы мұнымен тоқтап қалмай, пышақпен бірнеше рет ұрған.
Кейін мамандар әйелдің бүкіл денесіндегі пышақ жарақатын, жақ сүйегінің сынықтарын санады. Әйел алған жарақаттарынан сол жерде көз жұмды. Айғайлаған дауысты естіп, үйден жүгіріп шыққан көршісі мен анасы жанжалға араласқаннан кейін ғана сотталушы әйелді ұруды тоқтатқан.
Кейінірек сотта әйел көршісіне бірнеше рет хабарласып, балалардың жағдайын тексеруді өтінгенін, қаладан ауылға келуге такси таппай жүргенін айтқан.
Сотталушының өзі кінәсін мойындап, қызғаныштан шарасыз қадамға барғанын айтты. Жәбірленуші – өлтірілген әйелдің анасы, ол соттан бұрынғы күйеу баласын заң шеңберінде жазалауды сұрады. Сонымен қатар моральдық өтемақы ретінде жауапкерден 100 миллион теңге өндіруді сұрады. Ал марқұм болған әйелдің анасы балаларды қамқорлыққа алды.
Сот айыпталушыны кісі өлтірді деп танып, 11 жылға бас бостандығынан айырды. Ол жазасын қатаң режимдегі түзеу мекемесінде өтейді. Оған қоса, ол моральдық өтемақы ретінде бұрынғы енесіне 10 миллион теңге төлеуге тиіс. Айта кетейік, ер адам бұрын тонау үшін сотталған.
Соттың үкімі заңды күшіне енген жоқ.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.