Париж Олимпиадасының чемпионы Елдос Сметовке Халықаралық дзюдо федерациясы (IJF) кимоноға арналған алтын түстес жапсырма мен арнайы хат жіберді, - деп хабарлайды Aikyn.kz.
Халықаралық дзюдо федерациясының ережесі бойынша, Олимпиада чемпиондарының кимоносында олардың есімі алтын түспен жазылады. Париж Олимпиадасында 60 келі салмақ дәрежесінде чемпион атанған Елдос Сметовке федерация арнайы хат жолдап, алтын түсті жапсырма жіберді. Оны спортшы көпшілікке Instagram stories арқылы көрсетті.
Елдос Сметов – дзюдодан Қазақстан тарихындағы тұңғыш Олимпиада чемпионы. Сонымен қатар ол – үш Олимпиада да жүлде алған жалғыз қазақстандық дзюдошы.