Quartz сайтында жарияланған биыл сатылған қымбат үйлер туралы материалға сүйенген Aikyn.kz америкалық мүлік нарығындағы ерекшеліктерді талдайды.
Қазіргі сатып алушылар үйді қолма-қол ақшаға сатып алады, келісім-шарттар тез аяқталады. Фото realty.rbc.ru сайтынан алынды. Авторлығы: Trulia
Биыл АҚШ нарығында сатылған ең қымбат үйлердің ішінде рекордтық 210 миллион долларға сатылған Калифорниядағы үй де бар. Ұлттық Риэлторлар Ассоциациясының (NAR) 2024 жылғы үй сатып алушылар мен сатушылар профиліндегі мәліметтер бойынша, соңғы бір жылда Америкада үй сатып алушылардың орташа жасы 56-ға жеткен.
«Алғаш рет үй сатып алушылар биыл үйдің қымбаттауымен, ипотекалық несиенің пайыздық мөлшерлемесінің өсуімен және шектеулі ұсыныстармен бетпе-бет келді. Бұрынғы жылдардағы сатып алушыларға қарағанда биылғы сатып алушылдардың жасын он жылға ұлғайтады және олардың кірістері айтарлықтай жоғары. Сонымен қатар, қазіргі сатып алушылар үйді қолма-қол ақшаға сатып алады немесе армандаған үйлеріне жоғары бастапқы төлем жасау арқылы келісім-шарттарды оңай аяқтай алады», – дейді NAR бас экономисінің орынбасары Джессика Лаутц.
Экономикалық қиындықтарға қарамастан АҚШ-та жылжымайтын мүлік рекордтық жоғары бағалармен сатылуда. Фото Quartz сайтынан алынды. Авторлығы: Douglas Elliman Real Estate
Жылжымайтын мүлік нарығындағы бағаның өсуі америкалық жастардың үй сатып алуға деген мүмкіндіктерін төмендетіп жіберген. Осындай қиындықтарға қарамастан бүкіл ел бойынша жылжымайтын мүлік рекордтық жоғары бағалармен сатылуда.
Oakley (EL) күннен қорғайтын көзілдірік брендінің негізін қалаушы Джеймс Джаннард (James Gennard) биыл Калифорниядағы жеке үйін рекордтық 210 миллион долларға сатып, Бейонсе мен Jay-Z жұлдызды отбасының 200 млн долларға сатып алған үйін басып озды. Бұл «Алтын штат» деп аталатын Калифорнияда бұрын-соңды сатылған ең қымбат жалғыз отбасылық үй болды.
Delaware штатынанда тіркелген белгісіз LLC (біздіңше Жауапкершілігі шектеулі серіктестік) фирмасы ресми түрде нарықта ұсынылмаған Дженнардтың мүлкін үлкен шусыз тыныш сатып алды. Architectural Digest мәліметтері бойынша, үйдің ауданы 1400 шаршы метрден асады, сегіз жатын бөлмесі мен 14 ванна бөлмесі бар, 30 шаршы метрдей мұхитқа кіретін жеке жағалауды қамтиды.
Калифорниядағы рекордтық сатылымнан басқа өте жақсы жерлерде орналасқан бірнеше ерекше үй сатылды. Бұл үйлерді төмендегі тізімнен табасыз.
Род-Айлендте сатылған үй кең алаңдарымен және сыртқы ыңғайлылығымен қымбат бағаланады. Фото Quartz сайтынан алынды. Авторлығы: Lila Delman Real Estate
Род-Айленд – 12,3 миллион доллар
1892 жылы салынған бұл Род-Айленд жеке үйі өзінің керемет сүйкімділігімен, кең алаңдарымен және сыртқы ыңғайлылығымен жағалаудағы Жаңа Англияның сүйкімділігін бейнелейді. Үйдің терең су қоймасы, қайық көтергіші және су жағасындағы павильоны бар. Алты жатын бөлме, 4 ванна бөлмесі, медиа бөлмесі, кірпіш пен мәрмәр тастар бар.
Вандербильт отбасы салған үйде Шамплен көлі мен Адирондак таулары көрінеді. Фото Quartz сайтынан алынды. Авторлығы: RE/MAX North Professionals
Вермонт – 14 миллион доллар
2010 жылы салынған бұл үй Грин-Маунтин штатында сатылған ең қымбат үйлердің бірі. Бір кездері Вандербильт отбасылық үй түрінде салынған бұл сарайда Шамплен көлі мен Адирондак таулары керемет көрінеді.
Коннектикуттегі мүлік алты бөлмелі, 12 ванна бөлмесі Вермонт тақтасы мен әктас сияқты материалдардан салынған. Фото Quartz сайтынан алынды. Авторлығы: Douglas Elliman Real Estate
Коннектикут – 19,3 миллион доллар
Бұл талғампаз Коннектикут үйі Ренессанс стилінде тұрғызылған. Алты бөлмелі, 12 ванна бөлмесі Вермонт тақтасы мен әктас сияқты материалдардан салынған.
Тұрғын үйде 5000 бөтелке сыятын шарап жертөлесі және гольф тренажеры бар. Фото Quartz сайтынан алынды. Авторлығы: Berkshire Hathaway Home Services / Robert Paul Properties
Массачусетс – 22,8 миллион доллар
Нантакетке қарайтын керемет көрінісі бар үй. Онда жеті жатын бөлме, 9 ванна бөлмесі пен ұзындығы 30 метрлік жеке жағажай бар. Тұрғын үйге 5000 бөтелке сыйатын шарап жертөлесі және гольф тренажеры кіреді.
Вашингтон штатындағы бұл үйді ашық аспан астындағы жұмаққа теңейді. Фото Quartz сайтынан алынды. Авторлығы: Windermere Real Estate/East
Вашингтон штаты – 28,5 миллион доллар
Яхтаға арналған пирс орны бар аралда орналасқан Вашингтон штатындағы бұл үйді ашық аспан астындағы жұмаққа теңеуге болады. Үйдің ішінде сигара кіреберісі бар кітапхана, шарап жертөлесі және бильярд бөлмесі бар.
Үй, бассейн, теннис корты және кең көгалдар 1,4 га жерде орналасқан. Фото Quartz сайтынан алынды. Авторлығы: Zillow / MLS
Нью-Йорк – 29,5 миллион доллар
Бұл тыныш Hamptons жылжымайтын мүлік кешенінде 12 жатын бөлме, 12 жуынатын бөлме, театр, шарап бөлмесі және инфрақызыл сауна және басқа да жайлы өмірге қажетті бұйымдар бар. Ашық аспан астындағы бассейн, теннис корты және кең көгалдар 1,4 га жерде орналасқан.
Колорадо кешені Элк тауының етегінде 14 га жерде орналасқан. Фото Quartz сайтынан алынды. Авторлығы: Aspen / Glenwood MLS
Колорадо – 59 миллион доллар
Бұл Колорадо кешеніне жеті бөлмелі негізгі үй, екі бөлмелі қонақ үй, спа, бассейн үйі және арнайы қойма кіреді. Мұның бәрі Элк тауында 14 га жерде орналасқан.
Үй су спортын ұнататындар үшін өте қолайлы: терең су пирстері, қайық көтеру және гидроцикл платформасы бар. Фото Quartz сайтынан алынды. Авторлығы: IVR / Christie’s Sereno
Невада – 62 миллион доллар
«Ескі қорған» аталып кеткен бұл үй Тахо көлінің жағасында орналасқан, 64 метр жеке жағажайы бар кешен 2 га аумаққа салынған. Үй су спортын ұнататындар үшін өте қолайлы: терең су пирстері, қайық көтеру және гидроцикл платформасы бар. Үйде жеті жатын бөлме, 8 жуынатын бөлме, шарап жертөлесі, медиа бөлмесі және ойын бөлмесі бар.
Америкада сатылған ең қымбат үйлердің тізімінде жұлдызды отбасы Jay-Z пен Бейонсе 200 млн долларға сатып алған үй де бар. Фото mainstyles.ru сайтынан алынды
Америкалық рэпер мен атақты әншінің үйі бетон мен шыныдан салынған. Фото Getty Images сайтынан алынды. Авторлығы: Halbergman
Калифорния – 210 миллион доллар
Осы жылы Алтын штатта сатылған ең қымбат үй ретінде тарихқа енген Калифорния сарайының сегіз жатын бөлмесі мен 14 ванна бөлмесі бар, жатын ауданы 1400 шаршы метрден асады. Үй жеке сатылымға шығарылған, сондықтан оның толық сипаты туралы ақпарат шектеулі, бірақ оның кем дегенде 90 метрге дейін жеке мұхитқа кіретін меншігі бар екені белгілі.
Құрама Штаттардағы үйдің бұндай 8-9 таңбалы болуы көптеген экономикалық және әлеуметтік факторларға байланысты. Үйдің құнына географиялық орны, меншіктің салынан жылы, салықтар мен қауіпсіздік деңгейі, қоршаған ортаның жағдайы әсер етеді. Осылардың барлығы жылжымайтын мүліктің бағасына әсер етеді.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.