Өткен жылды қорытындылап, ендібір баянды кезеңге берекелі жоспар құрамыз. 2024 жыл халқымыз үшін сын-қатері мен жақсылық-жетістігі қатар келген жыл болды. Қазақстан жұрты еліміздің басына түскен қиын сәттерде қайғысын бөлісіп, мемлекетіміз үшін жемісті кезеңдерде қуанышқа ортақтаса білді. Қазақтың жыл қайыру дәстүрі бойынша 2025 жыл – Жылан жылы. Қазына басатын Жылан жылынан күтетін жақсылығымыз көп. Бірақ Жылан жылы наурызда кіреді. Дегенмен 2025 жылы әр шаңырақ шаттыққа кенелсін! Еліміз аман, бауырымыз бүтін, жеріміз тыныш болғай!
