Ресей президенті Владимир Путин заңсыз мигранттарды елден шығару туралы заң әзірлеу барысында олардың елде болуын реттеу жөніндегі уақытша шаралар туралы жарлыққа қол қойды.
Құжатқа сәйкес, Ресейде заңсыз жүрген шетелдіктер 2025 жылдың 30 сәуіріне дейін өздерінің құқықтық жағдайын реттеуге немесе елден өз бетінше кетуге міндетті. Ресейде қалғысы келетін заңсыз мигранттарға қойылатын талаптардың қатарында олардың биометриялық мәліметтерді тапсыруы және есірткіге медициналық тексеруден өтуі, жұқпалы аурулар мен адамның иммун тапшылығы вирусының (АИТВ) болуы көрсетілген. Мигранттар сонымен қатар орыс тілін, Ресей тарихын және оның заңдарын білуге тест тапсырып, бар қарыздарын өтеуі керек. Патенттің күшін жоюға, жұмыс істеуге немесе уақытша тұруға рұқсаттың күшін жоюға негіз болмауы керек.