Абай облысында ер адам қар құрсауынан құтқарылды, – деп хабарлайды Aikyn.kz.
ТЖМ мәліметінше, 112 пультіне ер адам қоңырау шалып, көліктің қар құрсауында қалғанын, өз бетінше шыға алмайтынын хабарлады. Оқиға Аягөз қаласынан 55 шақырым қашықтықта болған.
– Жедел жеткен ТЖМ қызметкерлері ер адамды құтқарып, Қарағаш ауылына жеткізді. Құтқарылған адам медициналық көмекке мұқтаж болмады, – делінген хабарламада.
ТЖМ сапарға шықпас бұрын автомобильдің техникалық жағдайын, ауа райын мұқият қадағалап, төтенше жағдайларда қажет болатын заттарды алып жүру маңызды екенін еске салады.