Мұхтар Мағауиннің жаназасы 11 қаңтар күні АҚШ-тың Мэриленд штатында жергілікті уақытпен сағат 10.00-де түріктің Diyanet Center of America мешітінде өтеді және сол штаттың зиратына жерленеді, - деп хабарлайды Aikyn.kz Kazinform агенттігіне сілтеме жасап.
Бұл туралы Америкадағы қазақстандықтар агенттікке хабарлады.
«Мұхтар Мағауиннің жаназасы қаңтардың 11-і, сенбі күні сағат 10.00-де Ленхем қаласындағы түріктің Diyanet Center of America мешітінде оқылады, қонақасы да сол орында сағат 13.00-де беріледі. Жерлеу рәсімі сағат 11.00-де Parklawn Memorial зиратында өтеді», - деп жазылған жазушының ұлы Едіге Мағауиннің отандастарына жіберген хабарламасында.
Еске сала кетсек, бүгін белгілі жазушы Мұхтар Мағауин АҚШ-та 85 жасында дүниеден озды.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.