Астаналық құтқарушылар қар құрсауынан 2 жедел жәрдем көлігін шығарып алды, – деп хабарлайды Aikyn.kz.
ТЖМ-нің баспасөз қызметі түнде 2 астаналық жедел жәрдем көлігі қарға терең батып, қар құрсауынан өздігінен шыға алмағаны туралы ақпарат таратты.
– Құтқарушылардың үйлесімді және жедел іс-қимылдарының арқасында көлік аз уақытта қар құрсауынан шығарылды. Медицина қызметкерлері елордалық құтқарушыларға көрсеткен көмегі үшін алғысын білдірді, – деп жазылған министрлік таратқан мәліметте.
Бұл ретте ТЖМ қардың көптеп түсуіне және көктайғаққа байланысты ТЖМ жүргізушілерге жолдарда аса сақ болуды ескертеді.