Солтүстік Қазақстан облысының прокурорлары автокөлікті 5 минуттан артық жылытқаны үшін салынған әкімшілік айыппұлды алып тастады, – деп хабарлайды Aikyn.kz.
Прокуратура талдау шеңберінде Әкімшілік кодексінің талаптары өрескел бұзылғанын анықтаған.
– Мәселен, Петропавлда Полиция басқармасының лауазымды адамы облыс орталығының тұрғынына қатысты кодекстің 1-бөлігі 597-бөлігінде көзделген әкімшілік құқықбұзушылықтар туралы хаттама толтырған. Бұл – көлік құралын 5 минуттан артық жылытуда көрсетілген көлік құралының тұрақ ережелерін бұзу фактісі бойынша іс. Полиция қызметкері әкімшілік құқықбұзушылық туралы істі жүргізу кезінде хаттама жасау кезінде процестік заңбұзушылықтарға жол берді. Құқық бұзушы кінәсінің дәлелдерін таппады, – дейді құзырлы орган.
Петропавл қаласы прокурорының наразылығы бойынша полиция органдарының әрекеттері заңсыз деп танылды. Іс құқықбұзушылық құрамының болмауына байланысты тоқтатылды.
Қазақстанда тұрғын аймақтарда қозғалтқышы қосылып тұрған көлікті қоюға тыйым салынған. Қозғалтқышы қосулы көлікті 5 минуттан артық тұраққа қойғаны үшін 5 АЕК (19 660 теңге) мөлшерінде айыппұл қарастырылған, ал қайталанған жағдайда – 10 АЕК (39 320 теңге).