Ол өз кінәсін мойындады.
Павлодарда 74 жастағы әже мас күйде көлік жүргізгені үшін жауапқа тартылды
Фото: istockphoto
594
оқылды

Павлодар соты қала тұрғынына көлік құралын масаң күйде басқарғаны үшін 15 тәулікке әкімшілік қамаққа алу және 7 жыл мерзімге көлік құралын басқару құқығынан айыру туралы үкім шығарды, – деп хабарлайды Aikyn.kz

Павлодар қаласының әкімшілік құқық бұзушылықтар жөніндегі мамандандырылған соты көлік құралын алкогольдік масаң күйде басқарған азаматша И.-ге қатысты істі қарады (ӘҚБтК-нің 608-б. 1-б.).

– Сот 2024 жылдың желтоқсанында 1951 жылы туған азаматша И. алкогольдік масаң күйде "Toyota" маркалы көлік құралын басқарғанын анықтаған. Сот отырысында азаматша құқық бұзушылық дерегін мойындады.

Жасалған құқық бұзушылықтың мән-жайлары әкімшілік құқық бұзушылық туралы хаттама, медициналық куәландыру қорытындысы, бейнежазба арқылы расталады.

Сот азаматша И.-ді ӘҚБтК-нің 608-б. 1-б. бойынша кінәлі деп танып, оған 7 жыл мерзімге көлік құралын басқару құқығынан айыру түріндегі жазаны тағайындады, – делінген ақпаратта. 

Қаулы заңды күшіне енді.