Мемлекет басшысы Қасым-Жомарт Тоқаев «Қазақстан Республикасының кейбір заңнамалық актілеріне мәдениет, білім беру және тәлімгерлік мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды, – деп хабарлайды Aikyn.kz Ақордаға сілтеме жасап.
Жаңа заңда қазақ тілінің мәртебесін одан әрі нығайтуға және дамытуға бағытталған нормалар көзделген.
Сонымен қатар, Мемлекет басшысы «Қазақстан Республикасының кейбір заңнамалық актілеріне байланыс қызметтерін көрсету, мемлекеттік сатып алу, көлік және пошта мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.
Заң пошта операторларының мүмкіндіктерін кеңейтуді, оның ішінде пин-код арқылы растау арқылы пошта жөнелтілімдерін үшінші тұлғаларға жеткізу құқығын және басқа да нормаларды көздеген.
Заңның мәтіні баспасөзде жарияланады.
Аталмыш заңдарды «AMANAT» партиясы фракциясының депутаттары әзірлеп, ұсынған.