Жалақы көрсеткіші 2023 жылдың сәйкес кезеңімен салыстырғанда 10,5%-ға жоғары, – деп хабарлайды Aikyn.kz.
Ұлттық статистика бюросының ақпаратына сенсек, нақты мәнде өсім 1,8% болды. Жалақының медианалық мәні осы кезеңде – 308 717 теңге.
Орташа жалақының өсуі жыл соңында берілетін қосымша төлемдер мен мерекелік сыйақылар есебінен еңбекақы қорының ұлғаюымен байланысты.
Салалар бойынша орташа айлық жалақының ең жоғары өсімі келесі бағыттарда байқалды:
- Ақпарат және байланыс – 32,8%-ға;
- Ауыл, орман және балық шаруашылығы – 22,7%-ға;
- Жылжымайтын мүлікпен операциялар – 20,3%-ға.
Денсаулық сақтау және халыққа әлеуметтік қызмет көрсету саласында жалақы 7,6%-ға, білім беру саласында 5%-ға өсті.
Өңірлер бойынша орташа айлық атаулы жалақының ең көп өсуі келесі аймақтарда тіркелді:
- Алматы және Шымкент қалалары –13,6%-ға;
- Қарағанды облысы – 13,2%-ға;
- Солтүстік Қазақстан облысы – 12,9%-ға;
- Ақтөбе облысы – 12,6%-ға.
2024 жылдың IV тоқсанында өңірлер арасындағы орташа айлық атаулы жалақының ең жоғары және ең төменгі мәндері арасындағы арақатынас 2,1 есені құрады.