13 ақпанда ауа райының қолайсыздығына байланысты бірнеше өңірде көлік қозғалысына шектеу қойылды, – деп хабарлайды Aikyn.kz.
Мәселен, таңғы сағат 07.00-ден бастап Ақмола облысында "Астана-Петропавл" автожолының 18-232 шақырым аралығындағы учаскесінде (Астана қ.-Щучинск қ.) көліктің барлық түрінің қозғалысына шектеу қойылады.
Ал сағат 08.00-ден бастап "Астана-Ерейментау-Шідерті" 16-200 шақырым, Астана қаласы-Павлодар облысы шекарасына дейінгі жол жабылды.
Сондай-ақ дәл осы уақытта Павлодар облысында "Астана-Ерейментау-Шідерті" 200-254 шақырымы, Ақмола облысы шекарасынан Шідерті кенті облысы шекарасына дейін көліктің барлық түрінің қозғалысына шектеу енгізілді.
Бұл ретте, жолдарды ашу 13 ақпан сағат 17:00-ге жоспарланған.
Сонымен қатар сағат 08:40-тан бастап "Астана-Қарағанды-Алматы" тасжолының бірқатар учаскесі жабылды:
- 1 291-1 353ш, Жібек Жолы ААП – Ақмола облысы шекарасына дейін;
- 1 353-1 426 ш, Ақмола облысы шекарасы учаскесі – Теміртау ААП шекарасына дейін.
Бұл жолдарды ашу 2025 жылғы 14 ақпан сағат 08:00-ге жоспарланған.