2025 жылғы 15 ақпанда «102» пультіне сауда орталығына жарылғыш зат қойылғаны туралы хабарлама келіп түсті, – деп хабарлайды Аikyn.kz
Жамбыл облысы Полиция департаментінің, ҰҚК және ТЖД қызметкерлері, сондай-ақ арнайы жедел әрекет ету жасағының, жедел-тергеу тобының және кинологтардың қатысуымен орталық ғимаратына жедел тексеру жүргізілуде.
Ғимараттағы сауда дүкендерінің иелері мен орталыққа келушілер сыртқа шығарылып, эвакуациялау жасалуда, – деп хабарлайды Жамбыл облысы Полиция департаменті әлеуметтік желідегі парақшасында.
Жамбыл облысы Полиция департаменті тұрғындардан мән-жай анықталғанша өзге ақпараттарға сенбеуге, сабыр сақтауға шақырады. Сондай-ақ терроризм актісі туралы көрінеу жалған ақпарат үшін ҚР ҚК-нің 273-бабымен қылмыстық жауапкершілік қарастырылғанын еске салады.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз