Танымал рэпер Jah Khalib-тың «Искал нашел» бейнебаянындағы табиғат көріністері ресейлік радиожүргізушілерді бей-жай қалдырмағаны сонша, олар сұхбатқа келген әншіні әбден сұрақтың астына алды, – деп хабарлайды Aikyn.kz.
«Мұндай көз тоймас сұлулықты қайдан таптың?», – деген сауалдарға өнер адамы еш кідірместен: «Бұл менің Отаным – Қазақстан. Оның табиғатының сан алуандығы сонша, онда ғарыштан бастап кез келген жанрға дейінгі фильмдердің барлығын түсіруге болады. Жер бетіндегі әрбір адам Қазақстанды өз көзімен көруі тиіс», – деп жауап берді.
Бейнебаяндағы көз тартарлық әсемдікті көрген әншінің шетелдік тыңдармандары: «Бұдан кейін міндетті түрде Қазақстанға бармасам», «Осындай әсем табиғаты бар қазақтар, сендер қандай бақыттысыңдар!» – деп таңданыстарын жасырмады.
Оны қазақстандықтар да қолдап жатыр.
«Дұрыс айтады», «Қазақстан алға!», – деп жазды желі қолданушылары.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.