Қарағанды облысы Полиция департаментінің Ұйымдасқан қылмысқа қарсы күрес басқармасы прокуратураның қолдауымен ауыр қылмыстар жасаған қылмыстық топтың әрекетін әшкереледі, – деп хабарлайды Aikyn.kz.
Күдіктілерге бопсалау, тонау, алаяқтық және қаруды заңсыз сақтау бойынша 18 қылмыстық эпизод бойынша айып тағылып отыр. Жәбірленушілерге келтірілген жалпы залал 26 млн теңгеден асады.
«Тінту барысында күдіктілерден бірнеше атыс және суық қару, сондай-ақ оқ-дәрілер тәркіленді. Қылмыстық топтың барлық мүшелері ұсталып, уақытша ұстау изоляторына қамалды. Олардың басқа да қылмыстарға қатыстылығы тексерілуде. Қоғамда заң мен тәртіпті қамтамасыз ету – министрліктің басты басымдықтарының бірі», – деді ІІМ Ұйымдасқан қылмысқа қарсы күрес департаментінің өкілі Қуандық Алпыс.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.