Актриса Жұлдызай Дүйсенбиева балалық шағы туралы айтып, көзіне жас алды, – деп хабарлайды Aikyn.kz.
Айтуынша, отбасында ұл баланың болмаған. Сондықтан жастайынан әкесінің қас-қабағына қарап өскенін айтады.
Актриса журналист Аман Тасығанға берген сұхбатында әлі күнге дейін әкесімен сөйлесе алмайтынын, оның даусын естігенде көңілі босайтынын жеткізді.
«Отбасымызда ұл жоқ. Ең алғашқы екі ұл бірінен кейін бірі шетінеп кеткен соң кез келген ер-азаматта «әттеген-ай, ұлым болса ғой» деген ой бар шығар деп тон піштім. Әкем солай айтпасын деп мен еркек сияқты өстім. Мен атқа міндім, әкемнің мотоциклін айдадым, садақ аттым, лампа жөндеуге тырыстым. Ұл болуға тырыстым. Мен даланың адамы болып кеттім. Бірақ «қыз, қыз, қыз» деген нәрсе менің ішімде тұратын. Шын мәнінде әкеммен көп сөйлеспеймін. Сөйлессем жылап қаламын. Әкем хабарласып, «Қызым, қалайсың?» десе тамағыма өксік тығылып қалады. «Жақсы» деген сөзді ғана айта аламын. Үйде кішкентай қызым «Атаммен неге сөйлеспейсің?» дейді. Көрсем жылап қаламын. Білмеймін, неге екенін», - дейді актриса.
Жұлдызай отбасында төртінші қыз дүниеге келгенде әкесі анасына ренжиді деп қатты уайымдағанын айтады. Перзентханаға анасына барғанын, ол жақта бір отбасыға қыз бала керек болып, әкесіне сәбилерін ауыстырып алу туралы ұсыныс жасағанын жасырмады. Алайда әкесі бұдан үзілді-кесілді бас тартқан.
«Далаға тастайтын қызым жоқ. Ұлың керек емес болса, маған бер, бірге алып кетейін деді. Қызым не жеп, не ішіп жатыр, қандай босағада жылап отыр, қалай өмір сүріп жатыр екен деп алаңдап отыратын жайым жоқ деді. Сол кезде әкемді қатты жақсы көріп кеттім», - дейді актриса.
Посмотреть эту публикацию в Instagram
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.