"Қазгидромет" синоптиктерінің болжамынша, циклондар және олармен байланысқан фронтальді бөліктер әлі де Қазақстан Республикасы аумағының басым бөлігіне өз әсерін тигізетін болады, жауын-шашын күтіледі, - деп хабарлайды Aikyn.kz. Тек еліміздің шығысында жауын-шашынсыз ауа райы сақталады.
Жалпы, ақпанның соңғы күндерінде консультативтік болжамға сәйкес, аязды күндер жылы күндермен алмасады, қар, тұман және көктайғақ күтіледі. Республиканың оңтүстік және оңтүстік-шығыстың таулы аймақтарында қатты жауын-шашын (жаңбыр, қар) болуы мүмкін. Суық антициклонның енуіне байланысты қарқынды суық толқындар болжанады, бұл күндері ауа температурасы төмендейді: солтүстік жартысында және ҚР орталығында түнде -25-35°С дейін, күндіз -15-25°С дейін; республиканың оңтүстік жартысында және оңтүстік-батысында түнде -12-22°С дейін, күндіз -3-15°С дейін. Ал циклондық белсенділік кезеңінде ауа температурасының Қазақстанның солтүстік жартысында күндіз -5+3°С дейін, елдің оңтүстік жартысында және оңтүстік-батысында күндіз +5+15°С дейін жоғарылауы күтіледі.
26 ақпан түнде Ақтөбе облысының солтүстік-шығысында, күндіз Алматы, Түркістан облыстарының оңтүстігінде, таулы аудандарында қатты жауын-шашын (жаңбыр, қар), Маңғыстау облысының оңтүстік-шығысында қатты қар күтіледі. Күндіз Алматы облысының шығысында, Жетісу облысының солтүстік-шығысында, таулы аудандарында желдің 30 м/с және одан аса күшеюі күтіледі, — дейді синоптиктер.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.