Quartz сайтының хабарламасына сүйенген Aikyn.kz технологиялық жетістіктердің біздің өмірімізді қалай өзгертетінін талдайды.
Жасанды интеллект технологиялық жаңартуларды барынша жылдамдатуда. Фото nypost.com сайтынан алынды. Авторлығы: Getty Images / John Smith
Bank of America институтының (BAC) мәліметтері бойынша, жасанды интеллект технологиялық жетістіктерді барынша жылдамдатуда. Алдағы бес жылда бұл үлкен өзгерістерге алып келеді. Әсіресе электр қуаты мен инфрақұрылымға деген сұраныс өседі, ой еңбегіне қатысты жұмыс орындары айтарлықтай қысқаруы мүмкін.
Алдағы 5 жылда технологиялық жаңарулардың әсерінен дүние жүзінде 2 миллиардқа дейін жұмыс орны қысқаруы ықтимал, бұл әлемдік жұмыс күшінің үштен бір бөлігін басқа кәсіптер игеру үшін қайта даярлауды қажет етеді.
ЖИ агенттері мен гуманоид роботтар жұмыс орындарын жойқын жылдамдықпен қысқартуда. Фото geeksforgeeks.org сайтынан алынды
Адамдардың әлеуметтік желілерде өткізетін уақыты көбейеді, 2019-2021 жылдар аралығында америкалықтар уақытының жартысынан көбін осылай жалғыз өткізген.
«Жұмыс істеудің болашағы – адамзат пен технология арасындағы қосындысы нөлге тең ойын емес. Алайда алдыңғы (технологиялық) революциялармен салыстырғанда, бүгінгі алаңдататын нәрсе – ЖИ агенттерінің, гуманоид роботтардың жұмыс орындарын жойқын жылдамдықпен қысқартуы», – деп жазады контент-стратег Ванесса Кук BAC баяндамасында.
Дүниежүзілік экономикалық форумы ЖИ-дің дамуы 78 миллион ғана жаңа жұмыс орнын қосады деп болжаған. Бұны 2 млрд жұмыс орнының қысқаруымен салыстырыңыз!!!
Кибер-қылмыстан келетін шығын көлемі 2030 жылға қарай 15,63 триллион АҚШ долларына жетеді. Фото jobbloghq.com сайтынан алынды
Bank of America сарапшылары кибер-қылмыстан келетін шығын көлемі 2030 жылға қарай 15,63 триллион АҚШ долларына жететінін айтуда. Ал тек дипфейктердің келтірген зияны 2027 жылға қарай 40 миллиард АҚШ долларына дейін өседі деп болжануда. Кибер-қауіпсіздік нашарлауы мүмкін, өйткені қуатты компьютерлер құпия сөздерді бұзуды жеңілдетеді. Егер кванттық компьютерлер шығу мүмкіндігін ескерсек, онда зиянның көлемі мен таралу аумағын болжаудың өзі қиын.
Деректер орталықтарын салқындатуға күніне 1,8 млрд литр су қажет, әлем халқының үштен екісі су тапшылығына ұрынады. Фото nannymcphee.co.uk сайтынан алынды
Сондай-ақ, ауыз су жетіспеушілігі де үлкен проблемаға айналмақшы. ЖИ-дің есептеулеріне қажет деректер орталықтары суды өте көп мөлшерде тұтынады. Орталықтарды салқындатуға күніне 1,8 млрд литр су қажет болады, сонда әлем халқының үштен екісі су тапшылығына ұрынады. Жасанды интеллектке көшу сонымен қатар чип өндіру қуатын, электр қуатын, металдарды және сымсыз өткізу қабілеттілігін бірнеше есе өсіруге мәжбүрлейді.
Бүгінгі желілердің қуатын күшейтіп, цифрландыру және автоматтандыру қажет. Фото datacenterdynamics.com сайтынан алынды. Авторлығы: Thinkstock / AKodisinghe
Екінші жағынан, қажетті қосымша электр энергиясының көп бөлігі қажетті инвестицияларды күткенше таза көздерден өндіріледі деп күтілуде. Бұл электр желілеріне дамытуға құйылатын инвестицияны көбейтуді талап етеді. Өйткені бүгінгі желілердің қуатын күшейтіп, цифрландыру және автоматтандыру қажет делінген Bank of America баяндамасында.
АҚШ-тағы инвестиция бағытының өзгеруі де ескірген инфрақұрылымдық активтерді ауыстыру қажеттілігін көрсетеді. Жаһандық деңгейде урбанизацияның, халықтың қартаюының және тұтынушылық қалаулардың өзгеруі инвестицияға, соның ішінде қоғамдық көлікке, таза энергияға, тұрғын үйге, суға, азық-түлік өндірісіне және қалдықтарды басқаруға деген қажеттілікті күшейтеді.
Ғаламдық экономиканың құрылымы үлкен өзгерістердің алдында тұр. Бұл өзгерістер Қазақ елінің экономикасына да, халықтың әл-ауқатына да тікелей әсер етеді. Мемлекеттік басқару институттарының кәсібилігі мен саяси басқарушылардың жаңа дәуір ерекшеліктерін сезіну қабілеті осындай сынақтарда көріне бастайды.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.