Қаржы министрлігі BI Group-тың 11,9 миллиард теңге, ал BAZIS-тің 4,6 миллиард теңге көлемінде салық салынатын кірісті төмендетіп көрсеткенін анықтады, – деп хабарлайды Aikyn.kz.
Министрліктің мәліметінше, 2022-2023 жылдарға жүргізілген тексеру барысында компаниялардың арнайы салық режимдерін (АСР) пайдаланатын субъектілермен өзара есеп айырысуларында сәйкессіздіктер анықталған.
«Талдау көрсеткендей, АСР бұл компаниялар тарапынан салық төлемдерін азайту үшін пайдаланылған», – делінген ресми хабарламада.
Қаржы министрлігі камералды тексеру процедурасы салық төлеушілерге аудиттен өтпей-ақ кірістерін реттеуге және салықты төлеуге мүмкіндік беретінін атап өтті.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.