Астана мен Алматы қалаларындағы ақша айырбастау пункттерінде доллар 492-499 теңгеден саудаланып жатыр. Ұлттық банктің 8 наурызға ұсынған ресми бағамы – бір долларға 494,84 теңге. Ресей рублінің орташа сараланған құны – 5,58 теңге. Еуро – 537,40 теңге.
Kurs.kz мәліметінше, қазір Алматының ақша айырбастау пункттерінде доллар 495 теңгеден сатылып жатыр. Ал сатып алу бағамы – 492 теңге. Еуро 532-537 теңге аралығында құбылып тұр.
Астана қаласы бойынша долларды сату бағамы – 499 теңге, сатып алу құны – 492 теңге. Еуро 536 теңгеден сатылып, 529 теңгеден сатып алынады.
Естеріңізде болса, Ұлттық банк төрағасы Тимур Сүлейменов қазақстандық алтын өндірушілерден теңгеге сатып алған алтынды сыртқа сатудан ішкі нарыққа қанша доллар қосылатынын айтты.
"Қазір бір унция алтын бағасы – 2 900 доллар. Жылына шамамен ішкі валюта нарығына қосымша 5,5-6 млрд доллар ұсынылады. Бұл дегеніміз – валюта нарығына қосымша ұсыныс, теңгеге қолдау. Өйткені ішкі нарықта долларға деген сұранысты азайтады, – дейді ол.