Цифрлық экономика мүмкіндіктері мол

Бұл алаң IT-секторды нығай­ту және цифрлық экономиканы да­мыту бойынша бірлескен қа­дам­дарды айқындайтын маңыз­ды диалог алаңына айналды. Ша­раға бизнес өкілдері, тех­но­логиялық компаниялар, ин­вес­тор­лар және индустриялық се­рік­тестер қатысты.

Жиында Қазақстандағы IT са­ласының негізгі мә­селелері – өнеркәсіптегі цифр­лан­дыру мен B2B-шешімдерден бас­тап вен­чур­лік қар­жы­лан­дыру­дың перс­пек­тивалары мен қа­ржы сек­торы­ның ынтымақ­тас­тығына дейін­гі тақырып тал­қы­ланды. Жеке сессияда Aitu мес­сенд­же­рі­не назар аударылды. Атап айт­қан­да, BTS Digital ком­пания­сы­ның өкілдері сервис ту­ралы та­­­­ныстырылым өткізіп, оны Қа­зақстанның цифрлық эко­жүйе­сіне ықпалдастыру мүм­кін­діктерін таныстырды.

BTS Digital бас директорының мін­детін атқарушы Жарқынбек Аза­матовтың сөзінше, бүгінде су­перапп аясында компаниялар үшін чат-боттар мен колл-ор­та­лықтармен ықпалдастырудан бас­тап, мини-қосымшаларды іс­ке қосуға дейінгі шешімдер қол­жетімді.

– Қазақстанның болашағы – технологиялық прогресте, ал Aitu-дың дамуын біз осы ба­ғыт­та­ғы маңызды қадамдардың бірі деп санаймыз. Біздің жұмы­сы­мыз­дың өзегінде пайдаланушы тұр. Aitu күнделікті өмірде ың­ғай­лы әрі пайдалы болуы маңыз­ды. Біз платформаны азаматтар, биз­нес және мемлекеттік құры­лым­дар үшін құрал ретінде да­мы­тып жатырмыз. Бүгінде су­пе­рапп аясында компаниялар үшін чат-боттар мен колл-ор­та­лық­тар­мен ықпалдастырудан бастап, ми­­ни-қосымшаларды іске қосуға дейін­гі шешімдер қолжетімді. Бұл – өсу мен серіктестіктер үшін жаңа мүмкіндіктер, – дейді Жарқынбек Азаматов. 

Елімізде барлық салалар се­кіл­ді қаржы секторын циф­р­лан­дыру­­дың маңызы зор. Бүгінде  қар­жы секторын цифр­лан­дыру бағытында оңтайлы жүзеге асы­рылған жобалар қатарында банк­тер клиенттерге 24/7/365 фор­ма­тын­да онлайн-режимде қыз­мет көр­сетуге көшуі, банктік шот­тар, тө­лем карточкалары, де­позиттер ашу, несиелер  алу үшін банктің филиалы – офисіне келу қажет­ті­лігінің болмауы, қыз­меттер он­лайн форматта ұсы­­­­нылуы – са­ланы цифр­лан­дыру­дың жемісі еке­ні сөзсіз.

Осы орайда «Қазақстан Ха­лық Банкі» АҚ басқарма тө­ра­ға­сы­ның бірінші орынбасары Дәу­рен Сартаев қаржы секторындағы цифр­ландыру тәжірибесімен бө­лісіп, Aitu мессенджері жайлы да пікір білдірді. Ол отандық Aitu мес­сенджерін дамытудағы іл­ге­рілеулермен танысудың пайдасы зор екенін айтты.

– Бүгін отандық Aitu мес­сенджерін дамытудағы ілгері­леу­лер­мен танысудың пайдасы зор бол­ды. Қазірдің өзінде іске асы­рыл­ған функциялар жиынтығы сер­висті одан әрі дамытуға берік бә­секелік негіз бола алады. Әсі­ресе, шетелдік баламалармен бә­­­­секелестік жағдайында. Бұл – ел­дің цифрлық егемендігін ны­ғайтуға бағытталған маңызды қа­д­ам, – деді ол.

Жиынды қорытындылаған Алма­ты қаласы Кәсіпкерлер па­ла­тасы өңірлік кеңесінің төра­ға­сы Нұрсұлтан Шоқанов, өз сө­зінде, отандық өнімдер мен сер­­­­вистерге қолдау көрсетудің маңыздылығына тоқталды.

– Мемлекет басшысы елі­міз­де цифрлық экожүйенің толық­қан­ды дамуына жағдайды жүйелі түр­де қалыптастырып келеді әрі оның еліміздің бәсекеге қабі­лет­тілігіне тікелей әсер ететінін үне­мі атап өтеді. Бизнес пен аза­мат­тар ретінде біздің рөліміз – «цифрлық тұтынушылық пат­рио­тизмді» қалыптастыру. Яғни, отан­дық өнімдер мен сервистерге қол­дау көрсетіп, олардың да­муы­на және әлемдік нарықтардағы бәсе­кеге қабілеттілігін арттыруға мүм­кіндік беру, – деді төраға.

Сондай-ақ жиында BYB Production инвестициялық қорының басқарушы серіктесі А.Белис­бе­ков, Omir Group Ltd Директорлар кеңесінің мүшесі Д.Кунаев сөз сөй­леп, отандық IT-нарығын да­мыту, қазақстандық өнімдерді, со­ның ішінде Aitu мессенджерін әзірлеу және ілгерілетудің маңыз­­­­дылығын атап өтті.