Лионель Месси футбол тарихындағы ең көп нәтижелі пас берген ойыншы атанып, жаңа әлемдік рекорд орнатты
MLS плей-оффының жартылай финалында «Нью-Йорк Сити» командасына қарсы матчта аргентиналық футболшы карьерасындағы 405-ші нәтижелі пасын орындап, венгр даңқты ойыншысы Ференц Пушкаштың көрсеткішін жаңартты.
Форт-Лодердейлде өткен матч «Интер Майамидың» 5:1 есебімен ірі жеңісімен аяқталды. Тадео Алленде хет-трик жасады, сондай-ақ Матео Сильветти мен Теласко Сеговия бір-бір голдан салды.
Осы жеңістен кейін «Интер Майами» өз конференциясында бірінші орынды алып, MLS плей-оффының финалына шықты. Финалда олар «Сан-Диегоны» 3:1 есебімен өткен «Ванкувер Уайткэпспен» кездеседі.
Қазіргі маусымда Месси барлық турнирлерде 40 матч өткізіп, 38 гол соқты және 22 нәтижелі пас берді.