ҚазАвтоЖол екі облыста көлік қозғалысына шектеу қойылғанын мәлімдеді, – деп хабарлайды Aikyn.kz.
Бүгін, 13 каңтар сағат 22:00-де ауа райының бұзылуына байланысты келесі республикалық маңызы бар автожолдарда дизель отынмен жүретін және қоғамдық көліктердің қозғалысына шектеу қойылады:
Абай облысы:
- «ҚХР шекарасы – Майқапшағай – Зайсан айналма жолы – Қалбатау –Семей – Павлодар –РФ шекарасы» автожолының 583-733 шақырым аралығы (Павлодар облысының шекарасынан Семей қаласына дейін);
Қарағанды облысы:
- «Қызылорда – Жезқазған – Қарағанды – Шідерты» автожолының 1067–1135 шақырым аралығы (Молодёжный ауылынан Павлодар облысы шекарасына дейін);
- «Қалқаман – Баянауыл – Үміткер – Ботақара» автожолының 231–324 шақырым аралығы (Павлодар облысының шекарасынан Ботақара ауылына дейін).
Жолды 2026 жылғы 14 қаңтар сағат 10:00-де ашу жоспарланған.
1403 байланыс орталығына хабарласып, тәулік бойы қосымша ақпарат алуға болады.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.