14 наурыз күні Қазақстанның бірқатар өңірінде қолайсыз ауа райына байланысты дауылды ескерту жарияланды, – деп хабарлайды Aikyn.kz сайты.
Бұл туралы Қазақстан Республикасының Төтенше жағдайлар министрлігі мәлімдеді.
Синоптиктердің болжамынша, елдің бірнеше облысында тұман түсіп, жел күшейіп, жауын-шашын мен көктайғақ болуы мүмкін.
Қостанай облысы, Маңғыстау облысы, Ақтөбе облысы, Батыс Қазақстан облысы және Жетісу облысы аумақтарының кей жерлерінде тұман күтіледі. Ал Алакөл көлі маңында желдің екпіні секундына 15-20 метрге дейін жетуі ықтимал.
Қарағанды облысы мен Ұлытау облысы аумақтарында тұман түсіп, жолдарда көктайғақ болады деп болжанып отыр.
Ақмола облысында түнде және таңертең қар жауып, жаяу боран соғуы мүмкін. Сондай-ақ көктайғақ болып, күндіз қар мен жаңбыр түріндегі жауын-шашын күтіледі. Кей жерлерде тұман түсіп, желдің екпіні 15-20 м/с дейін күшейеді.
Ал Павлодар облысы мен Солтүстік Қазақстан облысында жауын-шашын (қар, жаңбыр), жаяу боран және көктайғақ болжанып отыр. Сонымен қатар кей жерлерде тұман түсіп, жел жылдамдығы 15-20 м/с дейін жетуі мүмкін.
Қызылорда облысында күндіз облыстың орталығы мен оңтүстігінде желдің екпіні 15-20 м/с болады.
Ал Алматы облысының оңтүстігі мен таулы аймақтарында тұман түсіп, желдің екпіні 18 м/с дейін күшеюі ықтимал.
Мамандар тұрғындарға ауа райының қолайсыздығына байланысты жолда және ашық жерде қауіпсіздік шараларын сақтауды ескертеді.