Санитариялық-эпидемиологиялық бақылау комитетінің мәліметінше, Қазақстан Республикасының аумағында өндірілетін немесе сатылатын барлық парфюмерлік-косметикалық өнімдер, соның ішінде 14 жасқа дейінгі балаларға арналған тауарлар «Парфюмерлік-косметикалық өнімдердің қауіпсіздігі туралы» Кеден одағының техникалық регламентінің (ТР ТС 009/2011) талаптарына сәйкес болуы тиіс, – деп хабарлайды Аikyn.kz.
Косметика мен парфюмерияны таңдау бойынша ұсынымдар:
- өнім туралы толық әрі шынайы ақпараттың болуына назар аударыңыз;
- жарамдылық мерзімін, сондай-ақ сақтау шарттарын және олардың сатылым кезінде сақталуын тексеріңіз;
- ықтимал аллергиялық және тітіркендіргіш реакциялардың алдын алу үшін өнімнің құрамын мұқият зерттеңіз;
- өнімнің мақсатын, қолдану тәсілін және мүмкін болатын қарсы көрсетілімдерін ескеріңіз;
- парфюмерияны таңдағанда, алдымен сынама үлгілерін пайдаланып, иісті тексеріңіз;
- сатушыдан өнімнің заңнама талаптарына сәйкестігін растайтын құжаттарды (сәйкестік сертификаты немесе декларациясы, мемлекеттік тіркеу туралы куәлік) талап етіңіз.
Комитет интернет-дүкендерден, сондай-ақ өнімнің сәйкестігін растайтын құжаттары жоқ сауда орындарынан косметикалық өнімдерді сатып алуды ұсынбайды.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.