Ақтау маңындағы Каспий теңізінде SUP тақтасымен жағалаудан алыстап кеткен жас жұпқа құтқарушылар көмек көрсетті.
Оқиға Ақтау қаласынан 18 шақырым жерде орналасқан «Маями» демалыс базасының аумағында болған. ТЖМ қызметкерлері профилактикалық жұмыстар жүргізіп жүрген кезде теңізде көмекке мұқтаж адамдарды байқаған.
2004 және 2005 жылы туған екі жас SUP тақтасымен теңізге шыққан. Ағыс оларды жағалаудан шамамен 400 метр қашықтыққа алып кеткен.
Құтқарушылар жастарды дер кезінде жағалауға қауіпсіз жеткізді. Оларға медициналық көмек қажет болған жоқ.