Қазақстанда COVID-19 жұқтырған 6 науқас интенсивті терапиядан тұрақты палатаға ауыстырылды. Жағымды жаңалықты Денсаулық сақтау министрлігі Facebook парақшасында хабарлады.
«Жақсы жаңалық: Қазақстанда COVID-19 бар алты науқас интенсивті терапиядан тұрақты палатаға ауыстырылды. Дәрігерлер пациенттердің жағдайының жақсарғанын атап өтті және олар енді қарқынды терапияны қажет етпейді деп санайды», - делінген министрлік таратқан ақпаратта.
Сонымен министрлік мәліметінше, елімізде 6 пациент реанимациядан мамандандырылған бөлімге ауыстырылды: Алматы қаласында - 2 адам, Қарағанды облысында - 2 адам, Нұр-Сұлтан қаласында – 1 адам, Шымкент қаласында – 1 адам.
