«SENIM Денсаулық сақтау жүйесі жұмыскерлерінің салалық кәсіптік одағы» республикалық қоғамдық бірлестігінің Қызылорда облыстық филиалы коронавирус індетіне қарсы күресте облыс көлеміндегі медициналық ұйымдармен бірлесе жұмыс атқаруда.
Соның бірі – індетке қарсы күресіп жүрген медициналық қызметкерлерге көмек көрсетіп, сәл де болса тұрмыстық жағдайын көтеру. Соған орай, облыс көлеміндегі емдеу алдын алу мекемелерінде жұмыс істейтін бастауыш кәсіподақ ұйымдарының төрағалары және төрайымдары 400 370 теңгеге 250 отбасын азық-түлік өнімдерімен қамтамасыз етті.
Сонымен бірге облыстық жұқпалы аурулар ауруханасына 375 000 теңгеге 185 дана төсек жиынтығы табысталды. Ал облыстық жедел жәрдем стансасына 200 000 теңгеге 2 000 дана бетперде тігуге жабдық сатып алынды. Оған қоса, 600 000 теңгеге 10 дана облыс көлеміндегі емдеу мекемелерінің қажетіне адам денесінің температурасын өлшейтін термометр алуға келісімшарт жасалды. Нәтижесінде, «SENIM Денсаулық сақтау жүйесі жұмыскерлерінің салалық кәсіптік одағы» республикалық қоғамдық бірлестігінің Қызылорда облыстық филиалы бірлесе отырып, барлығы 5 540 000 теңгеге облыс көлеміндегі медицина саласының қызметкерлеріне көмек көрсетті.
