Маңғыстау облысының қақ жүрегі Ақтау қаласында «All inclusive All Exclusive» концепциялы Rixos Water World Aktau атты Орталық Азиядағы ең алғашқы 5* отель ашылады.
Отель Каспий теңізінің табиғаты көркем жағажайында орналасқан. Оның өзінің жеке құмды пляжы мен мөп-мөлдір көкшіл суы бар.
«Rixos Water World Aktau – Ақтау қаласының меймандары үшін де, тұрғындары үшін де бірінші дәрежелі жаңа орынға айналмақ. Қонақтардың жайлылығы үшін біз барлық жағдайларды ұйымдастырдық. Rixos Hotels желісін өзгешелендіріп тұратын ерекшелігі – әлемнің кез келген нүктесіндегі ең озық сервис. Біз Ақтаудағы отельдің концепциясын әзірлеген кезде дәл осы қағидатты ұстандық. Біздің отель жыл бойы меймандарды қабылдауға дайын әрі Орталық Азияда бірінші болып «All Inclusive» тұжырамасында қызмет көрсетеді. Жаздыгүні де, қыстыгүні де бұл өңір ерекше көркем», – деп атап өтті Rixos Water World Aktau қонақ үйінің бас менеджері Махмұт Жарымбетов.
Отель әуежайдан 42 шақырым, Ақтау қаласының орталығынан 20 шақырым (20-30 минуттық жол) жерде орналасқан.
Отельдің жалпы аумағы 150 000 м²
Жеке құмды жағажайы – 420 м
Күнге қыздырыну мен демалуға арналған серуендеу пирсының аумағы 500 м²
Rixos Water World Aktau өзінің меймандарына терезесінен теңіз көрінетін нөмірлер мен салтанатты виллаларды, бейнесі сұлу өлкелерді ұсынады: Deluxe тұрпатты 462 нөмір, Deluxe Suite тұрпатты 22 нөмір, Presidential Suite тұрпатты 1 нөмір мен 15 жайлы вилла, сонымен бірге мүмкіндігі шектеулі жандарға арналған нөмірлер бар.
Отельдің ең тартымды орындарының бірі ретінде «Water World» суда көңіл көтеретін бақты атап өтуге болады. Су сырғанақтары мен бассейндерінің әртүрлілігі мен ауқымы келушілерге ұмытылмас әсер сыйлайды: Space Boat, Flying Saw, Windigo аттракциондары, толқынды бассейн, «жалқау өзен» аттракционы мен өзге орындар баршылық. Бос уақытты өткізгіңіз келсе аталған аумақ ересектер үшін де, балалар үшін де қолжетімді болады.
Сонымен қатар меймандарды жылытылатын бассейндердің әртүрлілігі мен ауқымдылығы күтіп тұр: теңіз бен теңіз суын паш етер кең көлемдегі көрінісі бар бірегей «Infinity» бассейні мен спа-орталықта жабық бассейн орналасқан.
Rixos Water World Aktau келушілерін open air концертімен бірге мазмұнға толы сауық бағдарламалары, тақырыптық кештер мен фестивальдар күтіп тұр. Таза ауада демалуды жөн көретіндер отель тарапынан бұл бағыттағы ұсыныстардың бүкіл спектріне баға бере алады.
Спорт пен салауатты өмір салтын ұнататындар үшін күнделікті спорттық жаттығулар ұсынылады: скандинав жүрісі, йога, стречинг, кроссфит пен өзге де жаттығуларды жасай аласыз. Бұған қоса қонақ үйде «Exclusive sports» академиясы, кәсіби футбол алаңы мен бүкіл халықаралық стандартқа сай 7 теннис корты бар.
Бала жастағы меймандар үшін жас бойынша 4 топқа арналған (0-3 жас, 4-8 жас, 9-12 жас, 13-17 жас) Rixy балалар клубы қызмет етеді. Аниматорлардың кәсіби командасы әрбір балаға ешқашан ұмытылмас ерекше әсер сыйлайды.
Қонақтарға отель аумағындағы тамақтанудың ыңғайлы жүйесін, атап айтқанда швед үстелі немесе а-ля картты таңдай отырып, 3 мейрамханаға кіру мүмкіндігі ұсынылады. «Бәрі де қосулы»/шай, кофе, алкогольсіз сусындар базасында түрлі қызмет көрсететін 7 бар әртүрлі аумақта қолжетімді болмақ.
Арқаны кеңге салуға мүмкіндік берер бірегей атмосфера, SPA-процедуралардың түр-түрі, түрік хаммамы, римдік бассейн, қарлы бөлме, сауналар мен Anjana Spa-дағы демалыс аумағының қонақтары үшін есігі ашық болады.
Ауқымды әрі сән-салтанатты шараларды, іскерлік конференциялар мен кездесулерді ұйымдастыру үшін қонақ үйдің мүмкіндіктері бірегей. Аумағы 1300 шаршы метрлік сәнді (бал) залы мен 4 конференц-зал бизнестің іскерлік қажеттігіне жауап береді әрі олар заманның ең озық кәсіби құрылғыларымен жабдықталған.
«Rixos Water World Aktau — мемлекеттің жеке инвесторға қаншалықты жағдай жасайтынын, өлкені инженерлік желілермен және автокөлік жолдарымен қамтамасыз ететінін, ал инвестордың өз кезегінде әдемі туристік нысан салатынын көрсететін жарқын мысал. Қазақстандағы туризм дәл осындай серіктестік арқылы дамуы тиіс. Мұнда әркімнің өз рөлі бар: мемлекет кепілдіктер мен шарттарды қамтамасыз етеді, ал инвестор дәл сол орында туристік өнім шығарады. Туризмді дамыта отырып, біз негізгі проблемамен – жолдың немесе жатын орынның болмауымен бетпе-бет келеміз. Әйтсе де дұрыс ынтымақтастықтың арқасында бұл проблемалар өзінің үйлесімді шешімін табады. Еске сала кетерлігі, Каспий теңізінің жағажайы туристификацияның республикалық картасының ТОП-10 қатарына енген болатын. Бұл карта – мемлекет ең бірінші кезекте дамытатын елдің әлеуетке ие туристік бағыт-бағдары», – деп атап өтті «Kazakh Tourism» ҰК» АҚ Басқарма Төрағасы Ержан Еркінбаев.
Осылайша, қазақстандықтарға елдің табиғаты ең көркем өңірлерінің бірі – Маңғыстау, Ақтау қаласына сапар шеге отырып, жайлылықпен туған мекенді зерттеуде жаңа мүмкіндік туып отыр.
