«Қылмыскерлердің ізіне түсу үшін алдымен кешенді іздестіру шаралары ұйымдастырылды. Күдіктілер – 31 жастағы Н. және 32 жастағы Ш. есімді азамат. Екеуі де бұрын мүліктік қылмысы үшін сотталған. Тергеу барысында олардың терминалдарды бұзу және сол жерден ақша ұрлаудың тоғыз эпизодына қатысы бары дәлелденді», – дейді Алматы қалалық Полиция департаменті басшысының орынбасары Берік Әбілбеков.Оның айтуынша, ұсталғандар уақытша ұстау изоляторына қамалған, қазіргі уақытта ҚР ҚК 188-бабы бойынша сотқа дейінгі тергеу жүріп жатыр. Күдіктілер адамдар көп баратын дүкендер мен сауда үйлеріне орнатылған терминалдарды тонаған. Сатушылар клиенттерге қызмет көрсетумен айналысып жатқанда, ұрылар бірнеше минут ішінде төлем терминалдарындағы ақшаны үптеп кете берген.
Тұмар МЫРЗА