Алматы облысының тәртіп сақшылары облыстағы Алакөл жағалауында қылмыстар мен құқық бұзушылықтардың алдын алу, тұрғындар мен демалушылардың қауіпсіздігі мен тыныштығын қамтамасыз ету бойынша тиісті шараларды атқарады, деп хабарлайды Алматы облысы ПД баспасөз қызметі.
Статистикалық мәліметтерге сүйенсек, Алакөл көлінің Алматы облысы аумағындағы жағалауында биыл 150 жуық демалыс орны қызмет көрсетіп, 380 000 адамға қызмет көрсеткен.
«Жаһанға жайылған індеттің салдарынан биыл көлге келетін шетелдіктердің саны азайған, дегенмен отандық туризм бір қадам алға басты. Көл жағасындағы Ырғайты ауылдық округіне қарасты Ақши ауылында биыл бір ғана қылмыс тіркелген. Учаскелік полиция инспекторлары өзгенің мүлкін қолды қылған күдіктіні санаулы сағатта анықтап, қылмысты ашқан», - деді Алматы облысы Алакөл АПБ бастығы полиция полковнигі Қуат Оспанов.
Негізгі мақсат – учаскеде құқық бұзушылықтың алдын алу және қауіпсіздікті қамтамасыз ету. Жағажайдағы криминогендік жағдай бақылауға алынған. Биыл 30-ға жуық әкімшілік хаттама толтырылып, айыппұл салынды.
