Петропавл қаласында Н.Назарбаев-Ғ.Мүсірепов көшелерінің қиылысында жедел жәрдем көлігіне жеңіл көлік соқты.
Полиция департаментінің баспасөз қызметінің мәліметінше, УАЗ-452 арнайы көлігі дабылын, арнайы шамдарны қосып келе жатқан, оның ішінде пациент болған. Онымен соқтығысқан ВАЗ-32112 жеңіл көлігінің 37 жастағы жүргізушісі оқиға орнынан полиция келгенше қашып кеткен. Ол көпқабатты үйдің бірінің ауласында ұсталды.
«Дәрігерлер жол апаты кезінде жедел жәрдем көлігінің ішінде болған 71 жастағы әйелді тексерді. Ол жарақат алмағаны анықталды. Әйел негізгі дерті бойынша емделу үшін үшінші қалалық ауруханаға жатқызылды. Жедел жәрдем бригадасының 25 жастағы фельдшері медициналық көмек көрсетілген соң, үйіне жіберілді», - деп мәлімдеді ДП баспасөз қызметі.
Оқиғаға байланысты Әкімшлік құқықбұзушылық туралы кодекстің «Көлiк құралдары жүргiзушiлерінiң жол жүрісі көлiк құралдарының бүлінуіне алып келген бұзушылығы» 610-бабы бойынша әкімшілік құқық бұзушылық туралы іс қозғалды. Одан кейін бұл іс процессуалдық шешім қабылдануы үшін Петропавл әкімшілік сотына жіберіледі. Сондай-ақ оқиға орынан кетіп қалған жеңіл көлік жүргізушісіне қатысты хаттама толтырылды.
Оқиғаға байланысты Әкімшлік құқықбұзушылық туралы кодекстің «Көлiк құралдары жүргiзушiлерінiң жол жүрісі көлiк құралдарының бүлінуіне алып келген бұзушылығы» 610-бабы бойынша әкімшілік құқық бұзушылық туралы іс қозғалды. Одан кейін бұл іс процессуалдық шешім қабылдануы үшін Петропавл әкімшілік сотына жіберіледі. Сондай-ақ оқиға орынан кетіп қалған жеңіл көлік жүргізушісіне қатысты хаттама толтырылды.
