Бұл жайында «ҚазАгроҚаржы» АҚ баспасөз қызметі хабарлады.
Олардың мәлімдеуінше, «ҚазАгроҚаржы» АҚ көктемгі-дала және егін жинау жұмыстарын несиелендіру аясында осы жылдың 10 тамызындағы жағдай бойынша 60,6 млрд теңгеге қаржы лизингі шарттарын жасасты. Оған 3 705 бірлік ауылшаруашылық техникасы сатып алынды. Оның 24,3 млрд теңгесі егін жинау жұмыстарына арналды. Бұл дегеніміз – 1 398 бірлік техникасы.
Атап айтқанда, ҚазАгроҚаржы 284 комбайн, 1 114 бірлік басқа да техника сатып алуды қаржыландырды.
Жалпы, егін жинау жұмыстарын жүргізуге ауыл шаруашылығы тауарларын өндірушілерден 46,8 млрд теңгеге өтінім түсті. Оған 2 258 бірлік техниканы сатып алуға болады.
