Тасқын судан кейін қайта қалпына келтірілген мектептер оқу жылына дайын – Мақтаарал  
Тасқын судан кейін қайта қалпына келтірілген мектептер оқу жылына дайын – Мақтаарал  
Фото: Интернеттен алынды
170
оқылды
Сардоба су қоймасының жарылуы салдарынан Түркістан облысы Мақтаарал ауданындағы Жаңажол ауылдық округіне қарасты Өргебас және Фирдоуси елді мекендеріндегі екі мектепті су басып, зақым келген болатын. Ғимараттар толық күрделі жөндеуден өтіп, бүгінде жаңа оқу жылына дайын. Қайта жөндеуден өткен білім ұяларының даярлығы облыс әкімі Өмірзақ Шөкеевке ауданға іссапары барысында таныстырылды. Аймақ басшысы әр мектепті жеке-жеке аралап көрді. Өргебас ауылының Қасым Аманжолов атындағы жалпы орта мектебінде 300-ге жуық оқушы білім алса, Фирдоуси атындағы орта мектепте 700-ден астам бала оқиды. Оның ішінде аз қамтамасыз етілген отбасы балалары компьютерлік техника, планшеттермен қамтамасыз етілген. Мектептер интернетпен толық қамтылған. Жалпы, республикалық резервтен бөлінген қаражатқа Мақтаарал ауданындағы оқушылар үшін 4900 компьютерлік техника таратылада. Сапар барысында Өмірзақ Шөкеев балалардың сапалы білім алуы үшін барлық жағдай жасалуы қажеттігін айтты.