Жолды бөлісе алмай қалған сәті бақылау камерасына түсіп қалған. Бұл видеоны Daily Mail ақпарат агенттігі жариялады.
Видеодан екі жүргізуші бір-бірін жолдан итеріп шығаруға тырысып жатқанын көруге болады. Манчестердегі біртүрлі «жол көлік оқиғасы» көшенің шаңын аспанға шығарды.
3 қыркүйек күні Тэмсайдтағы Данкинфилд тұрғыны түсірген кадрларда ақ түсті Ford Transit фургоны мен сұр BMW жолда бетпе-бет келіп, бір-біріне жол беруден бас тартады.
Содан кейін жүргізушілер бір-бірін жолдан итеріп шығаруға тырысады. Ал бұл текетірес кезінде матордан шыққан газ бен дөңгелектердің асфальтпен үйкелісінен қою шаң көтеріліп, айналаны көк түтін басады.
Көліктер бір-біріне қарсы бағытта келе жатқан болатын.
