Талдықорған қаласында Алматы облысының кәсіпкерлер палатасы мен Президент жанындағы Мемлекеттік басқару академиясының Алматы облысы бойынша филиалы арасында келісімге қол қойылды.
Келісімде басқару қызметі саласына мамандарды даярлау мен оқыту қарастырылған. Кез келген компанияның табыстылығы оны басқарудың тиімділігіне тікелей байланысты.
Палата мен академия филиалы арасындағы өзара ынтымақтастықтағы жемісті қарым-қатынас басқару қызметі саласындағы мамандарды өз міндеті бойынша жауапкершіліктен қашпауға, қолайлы жағдайлар жасауға, мақсаттарға қол жеткізудің нақты жолдары және оларға қол жеткізудің жоспарларын анықтауға, өз жұмысының ұзақмерзімді тиімділігін ескере отырып, айналасындағылармен өзара түсіністіктегі әрекеттер жасауға ықпал етеді.
Әрбір кәсіпкердің жеке өзі мен тұтастай компанияның тиімділігін арттыру мақсатында келісімге қол қою аясында 4.0 нұсқасындағы «тиімділігі жоғары адамдардың 7 дағдысы» бағдарламасының тұсаукесері де өтті. Бұл бағдарлама бүкіл әлем бойынша жеке өсу мен дара көшбасшылық саласындағы ең нәтижелі шешімдердің бірі ретінде мойындалған.
Бағдарлама қызметкерлердің жеке тиімділігін түбегейлі арттыруға, оларды маңызды басымдықтарды жүзеге асыруға үйретуге, назарларын осы басымдықтарға шоғырландыруға, терең жүйелі жоспарлау дағдыларын дамытуға, коммуникацияда командалық шешімдер қабылдауға, болашақ көшбасшыларды дамытуға және тағы басқаларға негізделген.
Келісімге қол қоюға қатысты шараға Мемлекеттік қызмет істері және сыбайлас жемқорлыққа қарсы іс-қимыл агенттігінің Алматы облысы бойынша департаменті, Алматы облысының прокуратурасы, Құқықтық статистика және арнайы есепке алу жөніндегі комитеттің Алматы облысы бойынша басқармасы, Алматы облысының Әділет департаменті, Президент жанындағы Мемлекеттік басқару академиясының Алматы облысы бойынша филиалы, Алматы облысы бойынша заң кеңесшілер палатасы, Алматы облысының кәсіпкерлік және индустриалды-инновациялық даму басқармасы, сондай-ақ коммерциялық ұйымдар мен кәсіпорындар басшылары қатысты.
Болат АБАҒАН,
Алматы облысы