2019 жылдың аяғында Қызылорда облысында қоқыс сұрыптау кешені іске қосылады,– деп хабарлайды облыс әкімінің баспасөз қызметі.
Басқарманың мәліметі бойынша, кәсіпорын жылына 60 мың тонна қатты қалдықтарды сұрыптайды.
«Жобаның жалпы құны – 1,3 млрд теңге. Кешен осы жылдың соңына дейін пайдалануға беріледі деп күтіліп отыр»,– делінген хабарламада.
Жоба құнының 50% (652 млн теңге) жеке инвестордың қаражаты есебінен жабылатыны, қалған қаржы бюджеттен бөлінетіні белгілі болды.
Қазіргі уақытта құрылыс-монтаж жұмыстарының 60% -ы аяқталған. Кешен толық іске қосылғаннан кейін жергілікті әкімдік басқаруына берілмек.