Мемлекет басшысы Қасым-Жомарт Тоқаев ҚР тәуелсіздігінің 30 жылдығын тойлауға қатысты мемлекеттік комиссия құру туралы Жарлыққа қол қойды. Жарлық «Әділет» нормативтік-құқықтық актілер жүйесінде жарияланды.
«Қазақстан Республикасы Тәуелсіздігінің 30 жылдығын мерекелеуді ұйымдастыру мақсатында, мен шешемін: 1. Қазақстан Республикасы Тәуелсіздігінің 30 жылдығын мерекелеуге дайындық жөніндегі мемлекеттік комиссия (бұдан әрі - мемлекеттік комиссия) құрылсын. 2. Қоса беріліп отырғандар бекітілсін: 1) Мемлекеттік комиссия туралы ереже; 2) Мемлекеттік комиссияның құрамы», - деп жазылған құжатта.
Осы жылдың 25 желтоқсанына дейін Қазақстан тәуелсіздігінің 30 жылдығын тойлаудың тұжырымы жасалуы тиіс.
Тәуелсіздіктің 30 жылдығы 2021 жылдың 16 желтоқсанында мерекеленеді.