Мәскеудегі кафелердің бірінде келушілермен қарым-қатынасты шектеу үшін робот даяшы қызмет көрсетіп жүр. Мамандар робот коронавирус індеті өршіп тұрғанда адамдарға қызмет көрсетудің нағыз тиімді әдісі дейді. Бұл туралы Aikyn.kz 24.kz сайтына сілтей отырып хабарлайды.
Мәселен, осылайша ауру жұқтыру мүмкіндігі төмен болмақ. Сонымен қатар уақыт та үнемделетін болады. Өйткені робот бір уақытта бірнеше тапсырысты қабылдайды екен. Бұған қоса қауіпсіздік мақсатында әр екі сағат сайын құлтемір зарарсыздандырылып отырады. Алайда келушілер адамдар арасындағы көзбе-көз тілдесудің орны қашан да ерекше екенін айтады.
