14 және 15 қарашадан бастап әр демалыс күндері "Аспан Базар" СҮ (Р. Қошқарбаев, 37) Ақмола, Қарағанды және Шығыс Қазақстан облыстары өндірушілерінің қатысуымен ауыл шаруашылығы жәрмеңкелері өткізіледі, - деп хабарлады елорданың ресми сайты.
Өңірлердің шаруа қожалықтары Нұр-Сұлтан тұрғындарына қолайлы бағамен азық-түліктің кең ассортиментін ұсынады. Мысалы, картоп пен сәбіз бағасы – 100 тг., пияз және қырыққабат – 80 тг.
Ақмола облысының шаруа қожалықтары мен "Бақара" ЖШС сиыр етін 1750 кг/ теңге бағада ұсынады. Шығыс Қазақстан облысынан жылқы еті 1900 кг/тг және қой еті 1700 кг/ тг бағада әкелінеді.
Бакалея өнімдерін Ақмола және Қарағанды облыстары ұсынады.
Жәрмеңке апта сайын әр сенбі және жексенбі күндері өтеді. Келушілер санитарлық нормаларды қатаң сақтауы керек.
