Ақтөбе облысы Шалқар ауданында бір мектеп карантинге жабылды.
Облыстық білім басқармасы басшысының орынбасары Гүлназ Сүлейменованың айтуынша, Шалқар ауданындағы 7-сынып оқушысынан СOVID-19 анықталды. Мұнда білім алып жүрген оқушылардың бәрі қашықтан оқуға көшті.
«Облыстың білім саласы бойынша барлығы 18 адамнан коронавирус инфекциясы анықталды. Біреуі Шалқар ауданының оқушысы. Сонымен бірге 10-ы педагог, үшеуі техникалық қызметкер. Төртеуі балабақша тәрбиеленушісі. Бұл білім ордаларында дезинфекция жұмыстары жүргізілді», - деді Гүлназ Сүлейменова.
Айта кетейік, қазір 226 мектеп дәстүрлі форматта оқытып жатыр. Онда 19 мыңнан астам бала білім алып жүр. Өзгесі қашықтан білім береді. Өңірде 1-4 сынып оқушылары ата-аналарының өтінішімен кешекші топ ашылса, келесі аптада 5-сыныпқа да кезекші сынып қосылады.
