Павлодар облысының екі тұрғыны 35 жасқа келгенде перзентханада өздерін ауыстырып жібергенін білді. Екі баланың ата-аналары қателік жіберген перзентхананы сотқа берді.
Нариман Хамитов пен Ержан Қуанышев 1985 жылы 8 шілдеде Железинка перзентханасында өмірге келген. Екі ер бала да отбасында алғашқы бала болған. Бұл туралы жергілікті журналист Салауат Игіліков Instagram парақшасында жазды.
Оның айтуынша, оларға бала кездерінде ата-аналарына ұқсамайтындарын айтқан. Алайда олар оған назар аудармаған.
Көп жыл өткен соң екі азаматтың ортақ таныстары екеуінің ата-аналары ұқсайтынын айта бастаған.
«Осы сөздерден кейін Нариман Павлодарға барып, ДНК тест тапсырды. Нәтижесі барлығын таң қалдырды. Нәтижесі — 99,99% болып шықты, яғни ол басқа адамның ұлы екені анықталды. Содан соң анасына сәйкестік тест тапсырды, ол да солай болып шықты. Бұны сөзбен айтып жеткізу мүмкін емес, Нариман мен ата-анасы да қатты таң қалды», — дейді Наримананың жұбайы Хамитова Махаббат.
Балалардың перзентханада ауыстырылғаны белгілі болған соң ер адамдардың отбасылары кездескен. Олар өзара және қорғаушымен кеңесіп, аурухананы сотқа берді.
