Жанар Оразалина Көліктегі бас санитарлық дәрігер болып тағайындалды. Сонымен бірге ол осыған дейінгі Көліктегі санитарлық-эпидемиологиялық бақылау департаментінің бастығы қызметін қоса атқарады.
Жанар Оразалина Қарағанды мемлекеттік медицина институтын дәрігер-гигиенист, эпидемиолог мамандығы бойынша, Каспий қоғамдық университетінің "Әділет" заң академиясын тәмамдаған.
Еңбек еткен жылдары ол Қапшағай қалалық санитарлық-эпидемиологиялық стансасының тамақ гигиенасы бойынша санитарлық дәрігері, Қапшағай қалалық санитарлық-эпидемиологиялық стансасының санитарлық-эпидемиологиялық бөлімінің бастығы болып жұмыс істеді.
Сонымен қатар ол Қапшағай қаласы бойынша Мемлекеттік санитарлық-эпидемиологиялық қадағалау департаментінің санитарлық-эпидемиологиялық қадағалау бөлімінің бастығы, Астана қаласы Қоғамдық денсаулық сақтау департаментінің қоғамдық денсаулық сақтау бөлімінің бастығы болды.
Осы қызметке тағайындалғанға дейін ол Көліктегі тауарлар мен қызметтердің сапасын бақылау және қауіпсіздік басқармасы бастығының орынбасары болды. Бұған дейін Садуақас Байғабылов Көліктегі бас мемлекеттік санитарлық дәрігер болған. Бір апта бұрын ол Алматы қаласы бас санитарлық дәрігері Жандарбек Бекшиннің орынбасары болып тағайындалды.
