Ортсайлауком Парламент Мәжілісі және мәслихат депутаттарын сайлау шеңберінде ақпараттық-түсіндіру жұмыстарын жүргізуде.
Азаматтардың алдағы сайлауды әзірлеу мен өткізу туралы толық және дұрыс ақпарат алу құқықтарын қамтамасыз ету мақсатында ОСК аппараты бейресми түсіндіру құралдары ретінде ақпараттық-түсіндіру материалдарының кешенін (бейне, аудиороликтер, плакаттар, әдістемелік және басқа да материалдар) әзірледі.
Қазіргі уақытта БАҚ арқылы ақпараттық материалдар кеңінен жарияланып келеді. Атап айтқанда, 6 республикалық телеарнаның эфирінде арнайы әзірленген бейнероликтер 951 рет жарыққа шықты. Сонымен қатар 5 республикалық радиостансада аудиороликтер 813 рет шығарылды, әрі осы материалдар өңірлік теле және радио арналарда ротация арқылы кеңінен көрсетіліп келеді. Сондай-ақ «Топ-7» рейтингке кіретін 5 республикалық интернет-ресурстың беттерінде тәулік бойы режимі бойынша интернет-баннерлер орналастырылып, олардың интернеттегі көрсетілім саны 18 млн-ға жетті.
Ал мерзімді басылымдарға келсек, жалпы таралымы 925 мың дана болатын 6 республикалық газетте 12 модуль жарияланды.
