Қазір «ПТС» ЖШС ЖЭО-1 қызметкерлерімен бірге жүргізіліп жатқан жөндеу жұмыстары 28 қараша сағат 10:00-да аяқталады деп жоспарланып отыр. Бұдан кейін ғана жылу желілері іске қосыла бастайды. Әзірге қамтылатын ауданның тұрғын үйлері «Павлодарэнерго» АҚ ЖЭО-2 және ЖЭО-3-ке қосылды. Бұл өз кезегінде қаланың жылумен жабдықтау жүйесінің үздіксіз жұмыс істеп тұруын қамтамасыз етеді.
– Ең маңыздысы – зақымдалған жерді жөндеп, қаланы жылумен қамтамасыз ету. Тұрғын үйлерге жылу жеткеннен кейін барып, апаттың шығу себебі мен оған жауаптыларды анықтаймыз, - деген Әбілқайыр Сқақов өңір басшысының тапсырғанын жеткізді.
28 қараша сағат 00:10-да өңір басшысы оқиға орнына барып, жағдайды бақылауға алды. Жауапты мекеме жылу қалаға 28 қараша сағат 19:00-ге дейін беріледі деп уәде етті.
©Сурет интернеттен алынды[/caption]