Президент Қасым-Жомарт Тоқаевтың қатысуымен өткен Волонтер жылының жабылу рәсімінде жастотандықтар «Жомарт жүрек» сыйлығының "Жылдың үздік ұйымы" номинациясы бойынша марапатталды.
⠀
«Jas Otan» 20 жыл ішінде талай игі іс мен маңызды жобаларға мұрындық болды.
⠀
Атап айтсақ, жастарды жұмысқа орналастыру мақсатында «Сәтті қадам» және «Жастар кадрлық резерві» жобаларын іске асырды. «Nurintech» жобасы аясында 3 мың жас ғалымға қолдау көрсетілді, «English for Jastar» жобасы аясында 9 мың ауыл оқушысы ағылшын тіліне тегін оқытылды.
Жыл сайын жастарға арналған «Jastar-Otanga!» саяси лагері ұйымдастырылып, 5 жыл ішінде 2 мыңнан астам жас көшбасшы тәрбиеленіп шықты.
Елбасы бастамашылық еткен «Біз Біргеміз!» шарасы аясында 5 мың жасотандық еріктінің күшімен 320 мың мұқтаж отбасыға азық-түлік себеттері жеткізілді, 100 мың отбасыға 5 млн медициналық маска таратылды.
⠀
