Экобелсенді Сәкен Ділдахметтің әлеуметтік желіде жариялаған видеосы көпшілікті тәнті етті. Видеода Каспий теңізінде жаңа туған итбалықтың мұз үстіндегі әрекеті бейнеленген.
Видеоны экобелсенді Сәкен Ділдахмет Instagram парақшасында жариялады. Жаңа туған итбалық анасын іздеп, дауыстайды. Желі қолданушылары итбалықтың тәтті дауысына қызыққандарын жазған. Сәкен Ділдахметтің айтуынша, видео өткен жылы Солтүстік Каспий акваториясында түсірілген. Жазба авторының сөзінше, итбалық ақпан айында туған. Итбалықтар мұзда күшіктейтіндіктен, олар мұз үстінде өмір сүреді. Кішкентай итбалықтар жүзе алмайды. Сондықтан енелері мұзды тесіп, бір шығып, бір кіріп жүреді. Бұдан бұрын Каспий итбалығы Қазақстанның Қызыл кітабына енген болатын.А.ЖОЛДАС