Полиция 18-22 қараша аралығында өткізілген «Заңсыз келуші» республикалық жедел алдын алу шарасының қорытындысын жариялады.
Нұр-Сұлтан қалалық Полиция департаментінің мәліметінше, шара тиісті рұқсат құжаттарынсыз жұмыс істеп жүрген мигранттарды тексеру, заңсыз миграция арналарын анықтап, жолын кесу мақсатында өткізілген. Миграциялық қызмет, криминалдық полиция және жергілік полиция қызметтінің қызметкерлерінен жасақталған 30-дан астам бірлескен топ шетел азаматтары заңсыз жүруі мүмкін базарларды, құрылыс нысандарын тексеріп шықты. Жедел алдын алу шарасының нәтижесінде Қазақстан аумағында болу ережесін бұзған 1 292 шетел азаматы анықталып, әкімшілік жауапкершілікке тартылды. Олардың ішінде 423 адам Қазақстан аумағында тіркеусіз жүргені, 500-ден астам шетел азаматы рұқсатсыз жұмыс істегені үшін жазаланды. 61 адам Қазақстан аумағынан шығарылды. 26 жұмыс беруші шетелдік жұмыс күшін тарту және пайдалану ережесін бұзғаны үшін әкімшілік жауапкершілікке тартылды. Елордалық департаменттің қабылдау-тарату бөліміне жеке басын куәландыратын құжаты жоқ 60-тан астам шетелдік жеткізіліп, 1 100-ге жуық шетел азаматы ішкі істер органдарына тіркеуге алынды. Миграциялық заңнаманы бұзған 250 шетел азаматына ел аумағында уақытша болу мерзімі қысқартылды. Сондай-ақ, шара барысында миграциялық заңнаманы бұзған шетел азаматтарына қатысты елорда полициясы 4 қылмыстық іс қозғады.Нұр-Сұлтанда 1 292 шетел азаматы заңсыз жүрген
