Жылыжай 2019 жылы 16,1 гектарға, ал 2020 жылы 5 гектар жерге ұлғайды. Қазіргі уақытта жалпы өндірістік қуаты бір ауысымда 30 тонна өнімді құрайды. Қызанақтардан басқа кәсіпорын қияр және болгар бұрыштарын өсіре бастады. Алайда өндірістің кеңейтілуі мұнымен тоқтамайды. Бас жоспарға сәйкес 2023 жылға дейін кәсіпорын кешенінің жалпы алаңын 60 гектарға дейін арттыру жоспарланды.
Кездесу барысында кандидаттар жиналған көпшілікті Nur Otan партиясы Екібастұз бөлімшесінің сайлауалды бағдарламасымен таныстырды.
Бағдарламада өңірдің инфрақұрылымын жаңғыртуға бағытталған нақты шаралардың тиімді кешені ұсынылады: тұрғын үй құрылысы, жол, «Ауыз су» бағдарламасын жүзеге асыруды аяқтау.
Ұжым өкілдері кандидаттарға әйелдердің бос уақытын тиімді ұйымдастыру, кинотеатрлардың жұмысын жандандыру, сондай-ақ, жұмыссыздарға қатысты арнайы заң қабылдауға ұсыныс жасады. Сонымен бірге серіктестік жұмыскерлері кәсіпорынға арнайы мамандарды, яғни, агроном, биологтарды даярлау туралы мәселені көтерді.
Тапсырыс беруші: Нияз Құдайбергенұлы Макраев. Ақысы «Nur Otan» партиясы Екібастұз қалалық сайлауалды штабының қаржысынан төленді.